انصار:( د لړم ۷مه)، د کندهار ښار په یوه څنډه کې یوې مېرمنې پهخپل کور کې د ښځو لپاره د خیاطۍ کارځای فعاله کړی چې اوس مهال له ډېر لېرې ځایه ښځې ورته راځي او دلته د خیاطۍ ترڅنګ دلاسي صنایعو په برخه کې کار کوي.
دا کار ځای د یوې بې سرپرسته کونډې مېرمنې دی چي غواړي د خپل اقتصاد ترڅنګ د نورو بې سرپرستو ښځو اقتصاد ته هم وده ورکړي.
د دغه کار ځای مسوله رابعه وايي، دا ځای یې د هغه ښځو لپاره جوړ کړی چي د کورنۍ سرپرستان ونه لري او ددغه لارې وکولای شي خپل د کورنۍ ژوند مخته په یوسي.
دې غوښتنه وکړه چی د مسولینو له لوري څخه دې د ښځو د کاروبار ځانګړی بازار جوړ شي تر څو بې روزګاره مېرمنو ته د کار زمینه برابره شي.
" دا د هغو ښځو لپاره چي دکور سرپرستي یې ور پهغاړه ده، دکارزمینه برابره کړو او غواړو خپل کاروبار ته وده وکړو. زموږ غوښتنه داده چي موږ ته یو داسي ځای جوړکړي چي هلته صرف ښځه وي خپل کاراو خرد اوفروش وکړو."
هغه بې سرپرسته او د اقتصادي ستونزو سره مخ ښځې چي دلته د کار لپاره راځي هم د ښځو لپاره د ځانګړي مارکیټ غوښتنه کوي او وايي مجبوره دي چې د کورنۍ د ساتني لپاره کار وکړئ.
منوره چې په یاد کار ځای کې د خیاطۍ په کار مصروفه ده وایي، موږ ښځو ته د کار اجازه راکړله شي، ترڅو موږ خپل د اولادونو دپاره یو ګوله ډوډۍ پیدا کړو او خپل کورنی ژوند مخته په یوسوو.
« موږ غواړو چي زموږ کارونه ایله او راته پراخ سي کورنۍ مو ډوډۍ غواړي او د ښځو لپاره باید یو ځانګړی مارکېټ جوړشي، تر څو موږ خپل کارونه هلته مخته یوسو.»
د خیاطۍ په دغه کارځای کې هغه انجوني هم کار کوي چي مخکې ښوونځی ته تللې، خو زده کړي يي نیمګړې پاته شوي.
فریده چي د خیاطۍ په دغه کارځاي کې زده کوونکې ده وایی، د ښځو د مارکېټ ترڅنګ دي د انجونو پر مخ د زده کړي دروازي هم خلاصي کړي تر څو خپل ژوند جوړ کړو.
«موږ داسلامي امارت له مشرانو غواړو چې د ښځینو پر مخ د زده کړو دروازي خلاصي کړي او د ښځو لپاره ځانګړي مارکېټ جوړکړي چې موږ خپل کار او زده کړو ته دوام ورکړو.»
که څه هم اوس مهال دافغانستان په ډېرو ولایتونوکې ښځې په خپلواک ډول اقتصادي فعالیتونه ترسره کوي، خو په کندهار کې بیا دښځو د کار اړوند فعالیتونه دریدلي دي.
LINK: https://www.ansarpress.com/english/28106
Farkhunda Buried, Ghani Appoints Fact-Finding Team
